ئەو زانیاریانەی کە سایتەکان لەبارەی تۆوە دەزانن چین؟

لەم بابەتەدا زانیاریت لەسەر ئەو زانیاریانە پیشان دەدەین کە سایتەکان کاتێک کە دەچیتە ناویانەوە دەربارەی تۆ کۆیان دەکەنەوە و بۆچی وا دەکەن. جگە لەوەش ئێمە لە ڕاستیدا ئەو زانیاریانەت پیشان دەدەین کە لە سایتەکەماندا تۆمارکراون هەر کە چوویتە ژوورەوە و لەکاتێکدا
تۆ تێیدا دەگەڕێیت، تێبینی ئەوە دەکەین کە هەموو ئەو شتانەی کە باسی دەکەین بۆ هەموو سایتەکان دەگرێتەوە نەک تەنها سایتەکەمان.

زانیارییە سەرەتاییەکان کە ماڵپەڕەکان لەبارەی سەردانکەرەکانیانەوە هەڵیدەگرن

ئەو زانیارییە بنەڕەتیانەی کە هەموو سایتەکان بە شێوەیەکی ئۆتۆماتیکی و بەبێ ئەوەی پرۆگرامەری ماڵپەڕەکە بە ئەنقەست ئەوە بکات دەربارەی تۆ پاشەکەوتی دەکەن ئەمانەی خوارەوەن:

ناونیشانی ئێستات لەسەر ئەو تۆڕەی کە لە ڕێگەیەوە پەیوەندیت پێوە کردووە ( IP Address ).
ئەو وڵاتەی کە ئێستا تێیدا دەژیت.
ئەو سیستەمە کارپێکردنەی کە لەسەر ئامێرە کومپیوتەرکەت بەکاری دەهێنیت.
ناو و ژمارەی وەشانی ئەو وێبگەڕەی کە بەکاری دەهێنیت.
ئەو جۆرە فایلانەی کە گەڕانت بۆ کردووە، وەک وێب پەیج، وێنە، ڤیدیۆ و هتد.
هەر بەستەرێک یان پەیجێک کە چووتە ناوەوە.
هەر گەڕانێک لە سایتەکەدا هەوڵی بۆ بدەیت هەڵدەگیرێت.
بزانە ڕاستەوخۆ چوویتە ناو سایتەکەوە یان لە سایتێکی ترەوە ئاراستە کراوی بۆ نێو سایتەکە.
ئەو بەروار و کاتە کە چوویتە ناو سایتەکەوە.
ئەو لاپەڕانەی کە هەوڵت داوە سەردانیان بکەیت بەڵام لە سایتەکەدا نەماون.
هەموو ئەو هەڵانەی کە لە کاتی سەردانەکەتدا بۆ ماڵپەڕەکە ڕوودەدەن تۆمار دەکرێن.
بڕی ئەو زانیاریانەی لە سایتەکەوە بۆت دەگوازرێتەوە، کە پێی دەوترێت ( Bandwidth ).
لە سەرەتادا و پێش ئەوەی تووشی شۆک بیت، پێویستە لە میکانیزمی کاری ماڵپەڕەکان تێبگەیت بۆ ئەوەی تێبگەیت بۆچی دەبێت ماڵپەڕەکان ئەم زانیاریانە لەبارەی سەردانکەرەکانیانەوە هەڵبگرن و هەر خاڵێک بە جیا ڕوون دەکەینەوە.

بۆچی سایتەکان ناونیشانی IPکەت هەڵدەگرن کە تۆ لێیەوە چوویتە ناو سایتەکەیان؟

بە سادەیی بیهێنە بەرچاوت کە ١٠٠ کەس پەیوەندییان بە سایتەکەوە هەیە و هەر کەسێک دەیەوێت لاپەڕەیەکی جیاواز لە سایتەکەدا ببینێت. پاشان چۆن سایتەکە دەزانێت ئەو کەسە کێیە کە پێویستە ناوەڕۆکی ئەم پەیجە بۆ کێ بنێرێت، مەگەر پێشتر ناونیشانی ئەو کەسەی کە داوای کردووە سەیڤ کردبێت.

یەکێکی تر لە هۆکارە زۆر گرنگەکان بۆ ئەوەی سایتەکان ناونیشانەکەت هەڵبگرن، توانای دۆزینەوەی شوێنەکەتە و شوێنت بکەون لە ئەگەری هەر هەوڵێک بۆ هاککردنی سایتەکە. پاشان دەتوانرێت زانیاریت لەسەر کۆبکەنەوە و بدرێت بە پۆلیس و بەئاسانی بگەن بە جیگە و مەکانت، یان خاوەن ماڵپەڕەکە دەتوانێت ماڵپەڕەکە لە تۆ بلۆک بکات بە دانانی ناونیشانەکەت لە لیستی ڕەش IPs , کە ماڵپەڕەکە وەڵامی ناداتەوە لە ئەگەری دووبارە سەردانی کردنی مالپەرکە.

بۆچی ماڵپەڕەکان ناوی ئەو ولاتەکە دیاریدەکەن کە تێیدا دەژیت؟

لە سەرەتادا ناونیشانی ئێستات کە کەمێک پێش ئێستا باسمان کرد، ئەوەیە کە وا لە سایتەکە دەکات بزانێت لە کام وڵاتیت.
چەند هۆکارێک هەیە کە ماڵپەڕەکان لە هەر وڵاتێکەوە کە سەردانی دەکەیت پاشەکەوت دەکەن، لەوانە:
ئەگەر سایتەکە فرە زمان بێت بۆ نموونە وەرگێڕانی عەرەبی و وەرگێڕانی ئینگلیزی هەیە.
پاشان کاتێک لە وڵاتێکی عەرەبیەوە دەچیتە ناو سایتەکەوە، سایتەکە بە زمانی عەرەبی پیشانت دەدرێت. لە کاتێکدا ئەگەر لە وڵاتێکی بیانیەوە سەردانی بکەیت، ئەوا بە زمانی ئینگلیزی سایتەکە پیشان دەدات.
لە لایەکی دیکەوە ئەگەر سایتەکە بۆی دەرکەوت کە سەردانیکەری زۆری هەیە لە کوردستاناوە بۆ نموونە، ئەوا گەشەپێدەری ماڵپەڕەکە زمانی کوردی بۆ ئەو سەردانکەرانە زیاد دەکات کە لە کەلە کوردستانەوە دەچنە نێو سایتەکەوە.
گەر سایتەکە خزمەتگوزاری ریکلامی هەبیت ئەوا بۆ سایتەکە گرنگە ئەو ڕێکلامەکانت پیشان بدات بۆ ئەو وڵاتەی کە تێیدا دەژیت.
بۆ نموونە ئەگەر لە وڵاتێکی موسڵمان بیت، دەتوانیت ئەو ریکلامانە بدۆزیتەوە کە پەیوەندی بە حەج و عەمرەوە هەیە کە لەلایەن سایتەکەوە پێشکەشت دەکات.

بۆچی سایتەکان ئەو جۆرە سیستەمە کارپێکردنە دیاریدەکەن کە بەکاری دەهێنیت؟

ئەمە زۆر گرنگە بۆ تۆ پێش ئەوەی بۆ سایتەکە بێت. بۆ نموونە کاتێک دەتەوێت لە ئینتەرنێتەوە بەرنامەیەک دابەزێنیت بۆ کۆمپیوتەرەکەت، بەزۆری ئەم کارانە دەکەیت:
ئێستا، لەو سایتەی کە داخڵت کردووە، تێبینی ئەوە دەکەیت کە کاتێک چوویتە بەشی دابەزاندن، چەند کۆپییەکی هەمان بەرنامە دەردەکەون، کۆپییەک بۆ ویندۆز , کۆپییەک بۆ لینوکس , کۆپییەک بۆ ماک .
ئەوەی وەک سەردانکەرێک سەرسامت دەکات ئەوەیە کە سایتەکە پێشنیاری ئەوە دەکات کە ئەو وەشانەی دابەزێنیت کە لەسەر ئامێرەکەت کاردەکات!
بە سادەیی سایتەکە دەزانێت کام وەشانی لەگەڵتدا دەگونجێت، لە ڕێگەی جۆری سیستەمەکەتەوە کە هەر کە چوویتە ناو سایتەکەوە دەیزانی.
بەڕێزان لەوانەیە بۆت دەرکەوێت کە سایتەکە پێشنیاری ئەوە دەکات کە وەشانی تایبەت ئامادەکراو بۆ ئەندرۆید یان ئای ئۆ ئێس دابەزێنیت ئەگەر بە مۆبایلەکەت دەستی پێگەیشتبێت.

بۆچی سایتەکان ناوی ئەو وێبگەڕەی کە بەکاری دەهێنیت و ژمارەی ڤێرژنەکەی هەڵدەگرن؟

هۆکاری ئەمەش ئەوەیە کە سایتەکان لە ڕاستیدا ناوەڕۆکی لاپەڕەکان بە شێوەیەکی جیاواز لە یەکتر پیشان دەدەن. وە ئەمەش بەڕاشکاوی ماندووکردنە بۆ ئێمە وەک پرۆگرامەر، وەک چۆن دەمانەوێت سایتەکانمان بە هەمان دیزاین دەربکەون بۆ هەموو بەکارهێنەران، بەبێ گوێدانە جۆری وێبگەڕەکە کە بەکاریدەهێنن.
کێشەی ئەم بابەتە ئەوەیە کە وێبگەڕەکان بە یەک شێوە کار ناکەن و هەموویان پشتگیری هەموو ئەو تایبەتمەندیانە ناکەن کە لە وێب پەیجەکاندا دایدەنێین.
بۆ نموونە ئەگەر ماڵپەڕێک بە چوارچێوەی Angular دروست بکەیت، ئەوا بەڕووی سەردانکەرەکەدا ناکرێتەوە ئەگەر سەردانکەرەکە ئینتەرنێت ئێکسپلۆرەر کۆنتر لە وەشانی ٩ بەکاربهێنێت.
ەو پێیەی چەندین تایبەتمەندی هەن کە هاوبەش نین بۆ هەموو وێبگەڕەکان یان بە هەمان شێوە لەسەر هەموو وێبگەڕەکان کار ناکەن، سایتەکە دەتوانێت پشکنین لەسەر جۆر و وەشانی و وێبگەڕەکە بکات کە سەردانکەر بەکاری دەهێنێت و ئەگەر دەرکەوت کە کاردەکات پشتگیری هەموو تایبەتمەندییەکانی ناو دیزاینی ماڵپەڕەکە ناکات، ئەوا دەتوانێت وا لێبکات نامەیەک پیشانی سەردانکەرەکەی بدات پێی بڵێت وێبگەڕێکی تر بەکاربهێنێت چونکە وێبگەڕەکەی لەگەڵ تواناکانی ماڵپەڕەکەدا ناگونجێت.
ەو پێیەی چەندین تایبەتمەندی هەن کە هاوبەش نین بۆ هەموو وێبگەڕەکان یان بە هەمان شێوە لەسەر هەموو وێبگەڕەکان کار ناکەن، سایتەکە دەتوانێت پشکنین لەسەر جۆر و وەشانی و وێبگەڕەکە بکات کە سەردانکەر بەکاری دەهێنێت و ئەگەر دەرکەوت کە کاردەکات پشتگیری هەموو تایبەتمەندییەکانی ناو دیزاینی ماڵپەڕەکە ناکات، ئەوا دەتوانێت وا لێبکات نامەیەک پیشانی سەردانکەرەکەی بدات پێی بڵێت وێبگەڕێکی تر بەکاربهێنێت چونکە وێبگەڕەکەی لەگەڵ تواناکانی ماڵپەڕەکەدا ناگونجێت.
بۆ خاوەن ماڵپەڕەکان، زانینی ئەو لاپەڕانەی کە بەکارهێنەران سەردانیان دەکەن زۆر گرنگە؟
زانینی ئەوەی کە هەر لاپەڕەیەک چەند جار کراوەتەوە یارمەتی خاوەن ماڵپەڕەکە دەدات بزانێت چ شتێک جێگەی سەرنجی سەردانیکەرانی ماڵپەڕەکەیە.
بۆ نموونە لە ماڵپەڕی گەرمیان ئایتی زیاتر لە دوو کۆرس هەیە کە بریتین لە کۆرسی php و کۆرسی ویندۆز سێرڤەر
بۆیە ئەم بابەتە وامان لێدەکات گرنگی بەم دوو کۆرسە بدەین و بە تایبەتیتر لە کۆرسەکانی تر بڵاویان بکەینەوە.

بۆچی سایتەکان ئەو وشە گەڕانانە هەڵدەگرن کە تێیدا دەنووسیت؟

بۆ خاوەن ماڵپەڕەکان، زانینی وشەی گەڕان زۆر گرنگە، بەو پێیەی یارمەتی ماڵپەڕەکە دەدات بزانێت چ شتێک جێگەی سەرنجی سەردانیکەرانی ماڵپەڕەکە دەبێت، بەمەش ئەگەری زیادکردنی ژمارەی سەردانکەرانی ماڵپەڕەکە هەیە بە پارێزراویکردنی ئەوەی کە بەدوایدا دەگەڕێن .
بۆ نموونە بیهێنە بەرچاوت کە تۆ ماڵپەڕێکت هەیە بۆ فرۆشتنی بەرهەمی سروشتی، و بۆت دەردەکەوێت کە زۆربەی سەردانکەرانی ماڵپەڕەکە بەدوای ئەمانەدا دەگەڕێن:
لێرەدا وەک خاوەنی ماڵپەڕێک یان وەک بەڕێوەبەری ماڵپەڕێک، دەبێت ئاگاداری پاراستنی هەموو جۆرە کرێمێک بیت کە جێگەی سەرنجی سەردانکەرانە و زانیاری لەسەریان دابنێیت بۆ ئەوەی سەردانیکەرانی ماڵپەڕەکەت داواکارییەکەیان لەگەڵتدا بدۆزنەوە.
بەم شێوەیە سەردانیکەری زیاترت دەست دەکەوێت، قازانجی زیاترت دەست دەکەوێت و سایتەکەت هەمان سایت دەبێت کە جارێکی تر بەدوای بەرهەمی سروشتیدا دەگەڕێن چونکە چاوەڕێی دۆزینەوەی بەرهەمەکەیان دەکەن لەگەڵت.

بۆچی سایتەکان گرنگن ئەگەر ڕاستەوخۆ داخڵت کردبێت یان لە ڕێگەی سایتەکانی ترەوە ئاراستەیان کرابێت؟

بەگشتی ئەگەر خاوەن سایتەکە بۆی دەرکەوت کە زۆربەی سەردانکەرەکانی ڕاستەوخۆ دەچنە ناویەوە، ئەوا خاوەن سایتەکە تێدەگات کە سایتەکەی سەرکەوتووە چونکە خەڵک بە شێوەیەکی سەرەکی ئینتەرنێت دەکەنەوە بۆ ئەوەی بە تایبەتی بچنە ناو سایتەکەیەوە و سوودمەند بن لەو خزمەتگوزارییانەی کە پێشکەشی دەکات.
ئەگەر خاوەن سایتەکە بۆی دەرکەوت کە زۆربەی سەردانکەرەکانی بۆ نموونە لە سایتەکانی ترەوە ئاراستەی ئەو دەکەن. لێرەدا خاوەنی ئەم سایتە دەبێت خەمی ئەو سایتە بێت کە سەردانکەران لێیەوە دێن.
وەک نموونەیەک بۆ ئەمە، کاتێک بڵاوکردنەوەی هەر وانەیەکی نوێمان لە سایتەکەدا زیاد کردبێت لە ئەکاونتەکانی سایتەکەدا لە تویتەر و فەیسبووک ڕادەگەیەنین , دەبینین ژمارەیەکی زۆر زۆر لە سەردانکەر لە ڕێگەی ئەم دوو سایتەوە چوونەتە ناو سایتەکەوە.
هەر لەبەر ئەم هۆکارەش ​​ئێمە گرنگی بە ئەکاونتەکانمان دەدەین لە سۆشیال میدیا هەروەک چۆن گرنگی بە ڕوونکردنەوەکانمان دەدەین.

بۆچی سایتەکان گرنگی بە زانینی ئەو بەروار و کاتە دەدەن کە تۆ چوویتە ناو سایتەکەوە؟

بۆ خاوەن سایتەکان، زانینی کەی ئینتەرنێت بەکاربهێنن بۆ چوونە ناو سایتەکە زۆر گرنگە بۆ دیاریکردنی کەی ڕیکلام بڵاوبکرێتەوە دەربارەی بابەت و بەرهەم و خزمەتگوزاری نوێ کە زیاد کراون بۆ سایتەکە لە تۆڕە کۆمەڵایەتییەکان، چونکە ئەگەری بینینی فۆڵۆوەرەکانی ئەوێ هەیە ریکلامەکە زۆر گەورە دەبێت.
بۆ نموونە لەو ماوەیەی کە ئەنجامی خوێندکارانی دوازدەی ئامادەیی ڕادەگەیەنرێت، پێشبینی دەکرێت لەو ماوەیەدا لانیکەم یەک ملیۆن کەس بچنە ناو سایتەکەوە. لێرەدا خاوەن سایتەکە دەبێت توانای سایتەکە بەرز بکاتەوە بۆ وەڵامدانەوەی ئەم ژمارە زۆرەی سەردانکەران، بە پێچەوانەوە سایتەکە وەڵامدانەوە ڕادەگرێت و ئەمەش خراپترین شتە کە دەتوانێت ڕووبدات.
تێبینی: ئەم کێشەیە لە ڕاستیدا لە سایتی ئەزموونەکان ڕوویدا کاتێک سایتەکە ئەنجامی قوتابیانی بلاو کردەوە، بەو پێیەی تەنها نیو کاتژمێر دوای ڕاگەیاندنی بڵاوکردنەوەی هەوالی ئەنجامی قوتابیان سایتەکە چەندین جار وەستا بەهۆی ئەو ژمارە زۆرەی سەردانکەرە چاوەڕواننەکراوانەی کە چوونەتە ناویەوە لە یەک کات و برواردا .

بۆچی سایتەکان گرنگی بەو بابەتە دەدەن کە تۆ چەندە لە سەرهێڵیت؟

لە سەرەتادا ئەمە لە ئامارەکانەوە وەرگیراوە کە یارمەتی خاوەن سایتەکان دەدات بزانن ئایا سایتەکە خوازراوە یان نا.
بۆ نموونە بەسەربردنی کاتێکی زۆر لە گەڕان بەناو سایتەکەدا مانای ئەوەیە کە تۆ زۆر چێژ لە بەکارهێنانی سایتەکە وەردەگریت و سەردانکەرەکەش ئەو شتە دەدۆزێتەوە کە بەدوایدا دەگەڕێت.
دەرچوون لە سایتەکە لە ماوەی چەند چرکەیەکدا دوای چوونە ژوورەوەی مانای ئەوەیە کە تۆ بە هیچ شێوەیەک حەزت لە سایتەکە نەبووە.
بۆچی سایتەکان گرنگن کە هەر لاپەڕەیەک چەندە پێویستی بە کردنەوەی هەیە بۆ سەردانکەران؟
سەرەتا با پێتان بڵێم کە ئەمە زۆرترین شتە کە نابێت هەر گەشەپێدەرێکی وێب پشتگوێی بخات. هۆکارەکەشی ئەوەیە ئەگەر سەردانکەرێک بچێتە ناو سایتێکەوە و بۆی دەرکەوت کە هەر پەیجێک کە داخڵ دەکات بۆ نموونە ٢٠-٤٠ چرکە دەخایەنێت بۆ کردنەوەی، ئەوا جارێکی تر ناچێتە ناو ئەم سایتەوە چونکە خاو دەبێتەوە و کاتەکانی بەفیڕۆ دەدات .
پێویستە خاوەن سایتەکە هەمیشە چاودێری خێرایی سایتەکەی بکات و دڵنیابێت لەوەی کە خێرایە.