براودێک لە نێوان هەردوو پلاتفۆرمی بلۆگەر و ۆردپرێس
ڕەنگە بەراوردکاریی نێوان وردپرێس و بلۆگەر فراوانتر بێت لەوەی لەم وتارە باسی بکەین، بەو پێیەی دەیان فاکتەر هەن کە دەبێت لەبەرچاو بگیرێن، بۆیە بەجیا و بەشێوەیەکی ڕێکخراو باس لە گرنگترین فاکتەرەکان دەکەین، بەڵام پێویستە هەر لەسەرەتاوە ئەوە بزانیت هەڵبژاردنەکە دەبێت لەسەر بنەمای پێداویستییە ڕاستەقینەکانت بێت، نەک لەسەر بنەمای ئەو تایبەتمەندیانەی کە ڕەنگە بۆت سوودیان نەبێت.
پلاتفۆرمی بلۆگەر زۆر ئاسانترە لە پلاتفۆرمی وردپرێس، بەڵام هێشتا پێویستت بە هەندێک ئەزموون دەبێت بۆ بەکارهێنانی، هەروەها وردپرێس مامەڵەکردن لەگەڵیدا قورس نییە، بەڵام ناسراوە بەهۆی توانا زەبەلاحەکانی بۆ فراوانکردن و بەدەستهێنانی تایبەتمەندی لەسەر بنەمای پێوەکراو و قاڵبەکان ( plugins and templates).
لە رووی تێچووە
دروستکردنی ماڵپەڕلەسەر پلاتفۆرمی بلۆگەر بەتەواوی خۆڕاییە، تەنها پێویستە ناوی دۆمەینێک بکڕیت، . سەبارەت بە وردپرێس بێگومان پێویستە web hostingە, خۆت بکڕیت کە ساڵانە دەتوانێت تا ٦٠$-١٠٠$ دۆلاری ئەمریکی تێبچێت.
قازانج لە ماڵپەڕەکەت
بلۆگەر بۆ ڕێکلامەکان پشت بە پلاتفۆرمی گووگڵ ئەدسێنس دەبەستێت، ئەمەش شتێکی ئاساییە بەو پێیەی پەیوەندی بە گووگڵەوە هەیە و لە ڕاستیدا تێکەڵبوونی لەگەڵ ئەدسێنس ئەو هۆکارەیە کە وایکردووە گووگڵ تا ئێستا بلۆگەر بهێڵێتەوە. وردپرێس جیاوازترە، بەو پێیەی دەتوانیت لە هەر پلاتفۆرمێک یان تۆڕێکی ڕێکلام بەکاربهێنیت.
ئەدای کارکردن
پلاتفۆرمی بلۆگەر لەگەڵ پانێڵێکی کۆنترۆڵکردنی جێگیردا دێت کە ناتوانرێت بگۆڕدرێت و یان فراوانتر بکرێت، بەو پێیەی ئەو تایبەتمەندیانەی لەبەردەستدایە ناتوانیت تایبەتمندی دیکەی بۆ زیادکەیت، بە پێچەوانەی وردپرێسەوە کە ڕێگە بە زیادکردنی تایبەتمەندی زیاتر دەدات لەسەر بنەمای پێوەکراوەکان، جگە لەوەش، تایبەتمەندییەکانی... داشبۆردەکەی وردپرێسی پێشوەختە بەبێ پێوەکراو زۆر گەورەترە لە داشبۆردەکانی بلۆگەر.
باشکردنی بزوێنەری گەڕان
ئەو سایتانەی لەسەر بنەمای بلۆگەر یان وردپرێس دامەزراون دەتوانن ئەنجامێکی باش لە بزوێنەری گەڕان بەدەست بهێنن و هەرچەندە بلۆگەر بە پلەی یەکەم پەیوەندی بە گووگڵەوە هەیە، بەڵام شارەزایان هاوڕان لەسەر ئەوەی کە وردپرێس بە ڕوونی لە بلۆگەر باشترە لە ڕووی ئەدای SEO و باشکردنی.
تێڕوانینێکی گشتی بۆ وردپرێس و بلۆگەر
لەناو پلاتفۆرمی بلۆگەردا دەتوانیت لە چەند خولەکێکدا سایتێک دروست بکەیت و ئامادەیە بۆ بەکارهێنان، ئەمەش تایبەتمەندییەکی زۆر باشە، بەڵام کەموکوڕی جدی لێرەدا ئەوەیە کە ماڵپەڕەکەت خاوەندارێتی تۆ نییە، بەڵکو زیاتر لەلایەن گووگڵەوە خاوەندارێتی دەکرێت. هەرچەندە خاڵێکی جێی مشتومڕە، بەڵام گووگڵ دەتوانێت لە خولەکێکدا ماڵپەڕەکەت دابخات، بە هەرهۆکاریک بۆنموونە گەر لەگەل یاساکانی بلۆگەر نەگونجێت بەبی گەرانەوە بۆ خۆت،لەوانەیە دوای ئەوە بتوانیت بیگەڕێنیتەوە، بەڵام ئەو ڕاستییە بۆ خۆی خراپە.
پێچەوانی بلۆگەر سایتی وردپرێسەکەت بەتەواوەتی خاوەندارێتی لەژێر کۆنترۆلی خۆتە، بەتایبەتی کە تۆ خۆت دروستی دەکەیت بەپێی هۆستێک، وە ئەگەر پێت وایە خاوان هۆستەکەت سایتەکەت وەک گووگڵ دابخات بەهەر هۆکاریک یان لەگەل یاساکنی هۆست نەگەنجێت کە کریوتە، ئەوە دەتوانیت خۆت سایتەکەت لەهۆستەکەوە بگوازیتەوە بۆ هۆستیکی دیکە تر، بۆیە بە تەواوی خاوەندارێتی تۆ دەمێنێتەوە.
ئاسانکاری بەکارهێنان لە بلۆگەر و وۆردپرێس
پێشتر ئاماژەمان بەو خاڵە کرد کە بەکارهێنانی بلۆگەر ئاسانترە، بەڵام کاتێک حەزت کرد سنوورەکانی بشکێنیت و هەوڵی دابینکردنی تایبەتمەندییەکی پێشکەوتوو لە ڕێگەی ماڵپەڕەکەتەوە ئەنجام بدەیت بۆت رووندەبێتەوە کە هەمووشتیک سنوردارە لە بلۆگەر،
بە پێچەوانەوە دروستکردنی ماڵپەڕی وردپرێس ڕەنگە لە سەرەتادا قورس بێت، بەڵام کاتی دروستکردن و ئامادەکاریت تەواو بوو، هەر هەنگاوێکی دواتر زۆر ئاسانتر دەبێت.
تایبەتمەندی و قاڵبەکانی دیزاین
لە پلاتفۆرمی وردپرێسدا دەتوانرێت بگاتە ئەزموونی بەکارهێنانی گونجاو و دەتوانرێت دەیان تایبەتمەندی ماڵپەڕەکە لە ڕێگەی پێوەکراو و قاڵبەکانەوە، یان تەنانەت لە ڕێگەی گۆڕینی کۆدەکانەوە ئەنجام بدەیت.
بەڵام لە بلۆگەردا سنووردارە بەو تایبەتمەندیانەی کە لەناو خودی قاڵبەکەدا دروستکراون، کە لە شێوەی فایلێکی XML دێت کە دەخرێتە ناو ماڵپەڕەکەوە و دەتوانرێت هەندێک گۆڕانکاری بکرێت بەپێی کۆدەکەش. لە لایەکی دیکەوە، پلاتفۆرمەکە پشتگیری لە قاڵبی زۆر تایبەتمەندی ناکات، هەروەها پشتگیری لە هیچ پێوەکراوێک ناکات بە هیچ جۆرێک.
بۆیە پلاتفۆرمی بلۆگەر تەنها بۆ دروستکردنی مالپەرێکی کەسی یان مالپەرێکی وتاری یان مالپەرێکی زانیاری بەکاربێنیت، وەک پێشتر باسمان کرد- وردپرێس ڕێگە بە دروستکردنی هەر جۆرە مالپەرێک دەدات، بەتایبەتی لە بوونی قاڵب و پلاگینی پێویستدا.
سەلامەتی و پاراستن
سایتەکانی بلۆگەر تاڕادەیەکی زۆر سەلامەتن لە هاککردن، چونکە بەو پییەی لەسەر سێرفەری زەبەلاحی گووگلە لەڕووی ئاسایشە وە پارێزراوە، هەروەها ئەو سایتانەی لەسەر بنەمای پلاتفۆرمی بلۆگەر دروستکراون پێویستیان بە چاککردنەوە نییە، دەتوانیت قاڵبێک دابمەزرێنیت و بەردەوام بیت لە بەکارهێنانی ماڵپەڕەکەت بۆ ماوەی دەیان ساڵ بەبێ کێشە .
سەبارەت بە خاڵی بەردەوامیی، سەر بە خودی گووگڵە و ڕەنگە بزانین کە کۆمپانیای زەبەلاحی ئەمریکی پێشتر دەیان خزمەتگوزاریی لەباربردووە، و دەتوانێت لە نێوان شەو و ڕۆژدا بڕیاری خۆی بدات بۆ ئەوەی پلاتفۆرمی بلۆگەر بە تەواوی دابخات، هەرچەندە بەدووری دەزانرێت لە ئێستادە گووگل بیرلە داخستنی ئەو خزمەتگوزارییە بکاتەوە.
سەبارەت بە وردپرێس، شتەکان جیاوازن، بەو پێیەی پاراستنی ئاسایش و پاراستنی ماڵپەڕەکەت بەرپرسیارێتی تەواوەتی لە بەردەستی خۆتە، هەڵبژاردنی کۆمپانیای هۆستکردنی گونجاویش بەرپرسیارێتی خۆتە بۆ تۆ دەگەرێتەوە تا چەند بەردوامیت لەسەر مانەوەت،
ترفیک (bandwidth)
بەوپێیەی پلاتفۆرمی بلگەر لەسەر سێرفەری گووگلە لەرووی ترافیکەوە زۆر بەهێزە لەیەک کاتدا دەتوانریت چەندین سەردانکەر سەردانی پلاتفۆرمی بلۆگەر بکەن بەبی بێسنوور.
بەلام لە پلاتفۆرمی وۆردپرێس جیاوازە هەلبژاردنی سێرفەری باش و خراپ دەکەێتە سەر خاون ویبسیاتەکە کام جۆر وێب هۆست هەڵدەبژێریت، یەکێک لە باوترین خاڵەکانی فرۆشتن بریتییە لە bandwidthی بەرزتر یان سنوردار بۆ پلاتفۆرمی وۆردپرێسەکەی.
garmyan
لەساڵی ٢٠١٤ دامەزراوین و بابەتی پیوەندیدار بە تەکنۆلۆجی بڵاو دەکەینەوە بەبێ بەرامبەر و خۆشحالین بە هاوبەشکردنی زانیارییەکان بۆ ئێوە
